नाशिक l Nashik :
शहरातील रविवार कारंजा (Ravivar Karanja) परिसरातील प्रसिद्ध इंडिपेंडन्स काे. ऑप. बँकेचा (lndependence Co. Operative Bank Limited Nashik) बँकिंग परवाना अखेर रिझर्व्ह बँकेने (Reserve Bank of India (RBI) रद्द केला असून बँक अवसायानासाठी ताब्यात घेण्याचे आदेश सहकार आयुक्तांना दिल्याने बँकेवर लवकरच अवसायकाची नेमणूक हाेईल.
राजकीय वर्तुळात खळबळ : शिवसेना नगरसेवकासह; नगरसेविकेच्या पतीला थेट तडीपारीची नोटीस
सरकारच्या विमा कंपनीकडून यामुळे किमान पाच लाख रुपयांपर्यंतच्या ठेवी ठेवीदारांना परत मिळू शकणार असल्याने ९९ टक्के ठेवीदारांच्या ठेवी सुरक्षित असून १ टक्के ग्राहकांना मात्र झळ पाेहचेल असे रिझर्व्ह बँकेनेच स्पष्ट केले आहे.
उप वर्षभरापूर्वी दि. ११ फेब्रुवारीला रिझर्व्ह बँकेने या बँकेवर निर्बंध घालत सहा महिने ठेवी स्वीकारण्यास आणि कर्ज वितरणास बंदी घातली हाेती. निर्बंधांनुसार सहा महिन्यांनंतर आढावा घेवून आर्थिक परिस्थितीत सुधारणा झाल्यास हे निर्बंध शिथिल केले जातील असे स्पष्ट केले हाेते.
मात्र, तरीही बँकेची आर्थिक स्थिती सुधारू शकली नसल्याने रिझर्व्ह बँकेने अखेर ही कारवाई केली आहे. रिझर्व्ह बँकेने या बँकेला आर्थिक स्थिती सुधारण्यासाठी वारंवार संधी दिली हाेती मात्र संचालक मंडळ काही करू शकले नाही, असे या कारवाईमुळे आता स्पष्ट झाले आहे.
Nashik : ‘शिवशाही’ला भीषण अपघात; दुचाकीस्वार जागीच ठार, अनेक जखमी