
मुंबई l Mumbai :
शिवसेनेचे खासदार आणि नेते संजय राऊत (Shiv Sena MP and leader Sanjay Raut) आज (दि. १५) दुपारी चार वाजता मुंबईतील शिवसेना भवनात (Shivsena Bhavan) पत्रकार परिषद घेऊन मोठा गौप्यस्फोट करणार असल्याची माहिती देण्यात आली आहे.
यासाठी पत्रकार परिषदेला शिवसेनेचे सर्व महत्त्वाचे नेते आणि खासदार उपस्थित राहणार आहेत. केंद्रीय तपास यंत्रणांचा (Central Investigation Agency) गैरवापर होत असल्याचा आरोप संजय राऊत गेल्या अनेक महिन्यांपासून करत आहे.
याच पार्श्वभूमीवर राऊत नेमका कोणता गौप्यस्फोट करणार याकडे संपूर्ण राज्याचे लक्ष लागून राहिले आहे. आजच्या पत्रकार परिषदेसाठी मोठे शक्तिप्रदर्शन करण्याचीही तयारी शिवसेनेने केलेली दिसते. कारण नाशिकहून शिवसेनेचे (Shivsena Nashik) कार्यकर्ते देखील मोठ्या प्रमाणात मुंबईच्या दिशेने यायला निघाले आहेत.
सौ बात की एक बात : आजच्या पत्रकार परिषदेत संजय राऊत नेमकं काय म्हणाले?; वाचा सविस्तर
शिवसेना भवनातील आजच्या पत्रकार परिषदेसाठी मोठा पोलीस बंदोबस्त देखील ठेवण्यात आला आहे. यासोबतच पत्रकार परिषदेत एक मोठा स्क्रिन लावण्याचे काम सध्या सुरू असल्याची माहिती समोर आली आहे. त्यामुळे संजय राऊत पत्रकार परिषदेत ‘व्हिडिओ बॉम्ब’ फोडणार असल्याची जोरदार चर्चा आहे.
संजय राऊत आजच्या पत्रकार परिषदेसाठी एक पेन ड्राइव्ह (Pen Drive) घेऊन येणार असून व्हिडिओच्या माध्यमातून गौप्यस्फोट करण्याची शक्यता आहे. आता राऊत नेमका कोणता व्हिडिओ समोर आणतात हे पाहणं महत्त्वाचं असणार आहे.
भाजपाचे ते ‘साडेतीन’ लोक कोण?
येत्या काही दिवसात भाजपामधीलच (BJP Maharashtra) साडेतीन लोक हे अनिल देशमुख (Anil Deshmukh) यांच्या कोठढीत असतील आणि देशमुख बाहेर असतील असे राऊत यांनी म्हटलं आहे. त्यामुळे आता भाजपामधील ते साडेतीन लोक कोण? असा प्रश्न सर्वांना पडला आहे. शिवसेना भवनातील आजच्या पत्रकार परिषदेसाठी पक्षाचे सर्व पदाधिकारी, आमदार आणि खासदार उपस्थित राहणार आहे. खासदार अनिल देसाई (MP Anil Desai) यांनीच तशा सूचना सर्वांना दिल्या आहेत. त्यामुळे ही सर्व वातावरणनिर्मिती पाहता संजय राऊत रायकीय बॉम्ब टाकणार याकडे सर्वांचे लक्ष लागून राहिले आहे.
आपण ह्या बातम्या वाचल्यात का?
Damini App : आता पंधरा मिनिटेआधी कळणार, वीज कुठे पडणार, ‘दामिनी अॅप’ देणार अलर्...
आकाशात दिसलेल्या रहस्यमयी आगीच्या गोळ्या संदर्भात अपडेट, सापडले अवशेष
ठरलं! यंदा एप्रिल अखेरपर्यंत शाळा सुरू राहणार, रविवारची सुटीही रद्द, विद्यार्थ्य...
ShareChat वरील मैत्री भोवली, पिडीतेवर वारंवार बलात्कार; नाशकातील धक्कादायक घटना