तयारीला लागा! राज्यात 7,231 पदांसाठी पोलीस भरती होणार; राज्य मंत्रिमंडळाचा हिरवा कंदील

तयारीला लागा! राज्यात 7,231 पदांसाठी पोलीस भरती होणार; राज्य मंत्रिमंडळाचा हिरवा कंदील l 7031 new police personnel to be recruited in Maharashtra says HM Dilip Walase-Patil
तयारीला लागा! राज्यात 7,231 पदांसाठी पोलीस भरती होणार; राज्य मंत्रिमंडळाचा हिरवा कंदील l 7031 new police personnel to be recruited in Maharashtra says HM Dilip Walase-Patil
Share on Social Sites

मुंबई l Mumbai :

नोकरीच्या शोधात असलेल्या आणि पोलीस दलात भरती (Maharashtra Police Recruitment 2022) होण्याचं स्वप्न पाहणाऱ्या तरुणांसाठी आनंदाची बातमी आहे.

कारण, राज्यात मोठी पोलीस भरती होणार आहे. राज्यात तब्बल 7 हजारांहून अधिक पदांसाठी ही भरती प्रक्रिया राबवली जाणार आहे. राज्य मंत्रिमंडळाची बैठक (Maharashtra State Cabinet meeting) आज पार पडली. या बैठकीनंतर राज्याचे गृहमंत्री दिलीप वळसे पाटील (Home Minister Dilip Walse Patil) यांनी पोलीस भरतीच्या संदर्भात माहिती दिली आहे.

राज्याचे गृहमंत्री दिलीप वळसे पाटील यांनी म्हटलं, काही महिन्यांपूर्वी राज्याच्या मंत्रिमंडळाने दोन टप्प्यात पोलीस भरती करण्याचं ठरवलं होतं. त्यापैकी पहिल्या टप्प्यातील 5 हजार पोलीसांची भरती झालेली आहे. दुसऱ्या टप्प्यातील सात हजार 231 पोलिसांची भरती करण्याच्या संदर्भात नियमात दुरुस्ती करणं आवश्यक होतं. त्या दुरुस्तीनंतर आज गृहविभागाने निर्णय घेतला आहे की, आता उरलेली पोलीस भरती त्वरित सुरू करावी. त्या संदर्भात राज्याच्या पोलीस महासंचालकांना आदेश देण्यात आले आहेत. लवकरच ही पोलीस भरती सुरू होईल.

आज (दि. 28) कुठलीही राजकीय चर्चा झाली नाही. केवळ जे अजेंड्यावर विषय होते त्यावरच चर्चा झाली. कदाचित उद्याही कॅबिनेटची बैठक होऊ शकते. प्रलंबित काही विषय आहेत त्या संदर्भात उद्याच्या कॅबिनेटमध्ये चर्चा होऊ शकते असंही गृहमंत्री दिलीप वळसे पाटील यांनी म्हटलं आहे.

एकनाथ शिंदे अन् भाजपचं सरकार बनतंय पण… ‘या’ दोन खात्यांवर फिस्कटतंय?

महाराष्ट्र शासनाने सन 2020 ची पोलीस शिपाई संवर्गातील 7,231 रिक्त पदे भरण्यास मंजुरी दिली आहे. तसेच शासनाने पोलीस शिपाई सेवाप्रवेश नियमामध्ये सुधारणा केली असून पोलीस भरतीसाठी पहिल्यांदा शारीरिक चाचणी होणार आहे. मैदानी चाचणीतील उत्तीर्ण उमेदवारांचीच लेखी परीक्षा घेतली जाणार आहे.

या नव्या दुरुस्तीचा लाभ पोलीस दलास होणार असून, त्यांना ताकदवान मनुष्यबळ उपलब्ध होईल. तसेच ग्रामीण भागातील विद्यार्थ्यांना या बदलाचा मोठा फायदा होईल, असा विश्वास गृहमंत्री दिलीप वळसे पाटील यांनी व्यक्त केला आहे.

आत्महत्या नव्हे हत्याकांड! म्हैसाळमधील ‘त्या’ 9 जणांच्या मृत्यूचा अखेर उलगडा; तपासात धक्कादायक माहिती आली समोर

पोलीस शिपाई पदासाठी शारीरिक चाचणी एकूण 50 गुणांची होणार आहे. तर राज्य राखीव पोलीस बलातील सशस्त्र पोलीस शिपाई (पुरुष) (Armed Police Peon (Male) पदासाठी शारीरिक चाचणी एकूण 100 गुणांची होणार आहे. शारीरिक चाचणीमध्ये किमान 50 टक्के गुण मिळविणारे उमेदवार 100 गुणांच्या लेखी चाचणीसाठी पात्र असतील.

लेखी चाचणीमध्ये विचारण्यात येणारे प्रश्न बहुपर्यायी प्रकारचे असतील. परीक्षा मराठी भाषेत घेण्यात येईल. तसेच या लेखी चाचणीचा कालावधी 90 मिनिटे असेल. सदरहू पोलीस भरतीमधील लेखी परीक्षा विशेष बाब म्हणून OMR (Optical Mark Recognition) पद्धतीने घेण्याबाबत शासनाने मान्यता दिली आहे.

See also  पाचवी, आठवी शिष्यवृत्ती परीक्षेची तारीख जाहीर

आपण ह्या बातम्या वाचल्यात का?

See also  दुर्दैवी! शाळेत ध्वजारोहणावेळी विद्यार्थ्याचा मृत्यू, अनेक जण गंभीर जखमी

Share on Social Sites