नाशिक । Nashik :

शहरातील नाशिक रोड परिसरातील जयभवानी रोडवर (Jayabhavani Road, Nashik Road) आज (दि. ३१) बिबट्याने नागरी वसाहतीत घुसून तब्बल ७ तास लपंडाव केला. त्यामुळे नागरीकांमध्ये भीतीचे वातावरण पाहायला मिळाले.

अखेर वनविभागाने शर्तीचे प्रयत्न करत या बिबट्याला पकडले. हा बिबट्या सकाळी ०७ वाजता जय भवानी रोडवर पाहायला मिळाला होता. त्यानंतर त्याचा नागरी वसाहतीत वावर होता. अखेर गायकवाड (Gaikwad) निवास येथे एका कारखाली असताना वनविभागाने त्याला बेशुद्ध करत पकडले.

आदिवासी पाड्यावरील जीवघेणी हेळसांड थांबता थांबेना; रुग्णाला खांद्यावर घेऊन अडीच किलोमीटर पायपीट

भल्या सकाळी घडले दर्शन

नाशिकमध्ये सकाळी ०७ वाजता एक बिबट्या जय भवानी रोड परिसरात दिसला. आधी एका इमारतीत दिसलेला हा बिबट्या नंतर एका गार्डनमध्ये आणि काही इमारतींच्या समोरही पाहायला मिळाला. बिबट्या दिसल्याने नागरिकांमध्ये भीतीचे वातावरण निर्माण झाले. त्यानंतर वनविभाग (Forest Department) घटनास्थळी दाखल झाला. त्यांनी बिबट्याचा शोध घेतला, पण बिबट्या न सापडल्याने तो शेजारी असलेल्या जंगलात गेल्याचे बोलले गेले. मात्र, काही वेळातच हा बिबट्या पुन्हा नागरी वसाहतीत दिसला. त्याने हल्ला करण्याचा प्रयत्न केल्याचेही सांगितले गेले.

ठरलं! दहावी, बारावी परीक्षा Offlineच

बेशुद्ध करण्याच्या इंजेक्शनचा ‘शॉट’ (Gun Shot of anesthetic injection)

अखेर तब्बल ०७ तास लपंडाव खेळल्यानंतर वनविभागाने या बिबट्याला गायकवाड निवासमधील एका कारखाली पकडले. बिबट्या पळून जाऊ नये म्हणून वनविभागाने संपूर्ण कार जाळ्याने घेरली. त्यानंतर बेशुद्ध करण्याचे इंजेक्शन देऊन बिबट्याला जेरबंद करण्यात आले. दरम्यान, वनविभाग बिबट्याला पकडत असताना उत्साही नागरिकांमुळे अनेक अडचणीही आल्या. सेल्फी किंवा फोटो काढण्याच्या अट्टाहासामुळे वनविभागाला बिबट्या पकडताना अडथळे आले. त्यामुळे पोलिसांना हस्तक्षेप करत अशा उत्साही नागरिकांना घटनास्थळापासून दूर ठेवावे लागले.