मुंबई ।
ज्येष्ठ अभिनेते नाना पाटेकर (Veteran actor Nana Patekar passed away) यांचे गुरुवार दि. 8 ऑक्टोबर 2026 रोजी वयाच्या 75व्या वर्षी निधन झाले आहे. गोव्यातील त्यांच्या निवासस्थानी ते बेशुद्ध अवस्थेत आढळले. त्यानंतर त्यांना तातडीने मणिपाल रुग्णालयात नेण्यात आले. मात्र, डॉक्टरांच्या प्रयत्नांनंतरही त्यांना वाचवता आले नाही.
मणिपाल रुग्णालयाच्या ऑन्कोलॉजी विभागाचे प्रमुख डॉ. शेखर सालकर यांनी दिलेल्या माहितीनुसार, नाना पाटेकर यांना गंभीर कार्डियाक अरेस्ट आला होता. रुग्णालयात दाखल केल्यानंतर डॉक्टरांनी सुमारे 45 मिनिटे सातत्याने CPR देऊन त्यांना पुनर्जीवित करण्याचा प्रयत्न केला.
नाना पाटेकर एक बेहतरीन कलाकार अब हमारे बीच नहीं रहे !
RIP #NanaPatekar 🙏 https://t.co/z8UgYR8R4Q
— Sumit Lohan (@SuM1tLohan) October 8, 2026
मात्र उपचारांना प्रतिसाद मिळाला नाही. त्यांना पहाटे 5:20 वाजता मृत घोषित करण्यात आले, अशी माहिती विविध वृत्तसंस्थांनी दिली आहे. नाना पाटेकर यांच्या निधनानंतर त्यांच्या मृत्यूच्या नेमक्या परिस्थितीची अधिकृत प्रक्रिया सुरू आहे.
या प्रकरणात Medico-Legal Case (MLC) नोंदवण्यात आली असून मृत्यूचे अधिक तपशील स्पष्ट करण्यासाठी शवविच्छेदन करण्यात येणार असल्याचे डॉक्टरांनी सांगितले आहे. त्यामुळे सध्या कार्डियाक अरेस्ट ही प्राथमिक माहिती मानली जात असून अंतिम वैद्यकीय निष्कर्ष शवविच्छेदनानंतरच स्पष्ट होऊ शकतो.
Nana Patekar is not just an actor he is intensity, truth, and raw emotion brought to life on screen.
Om Shanti 🙏🏻
#NanaPatekar https://t.co/WkuFD3za0D
— Manan (@itsurbunny7) October 8, 2026
नाना पाटेकर हे हिंदी आणि मराठी चित्रपटसृष्टीतील प्रभावी अभिनेत्यांपैकी एक होते. परिंदा, क्रांतिवीर, अब तक छप्पन आणि वेलकम यांसारख्या चित्रपटांमधील त्यांच्या भूमिका विशेष गाजल्या. त्यांच्या अभिनय कारकिर्दीला राष्ट्रीय चित्रपट पुरस्कार आणि इतर महत्त्वाचे सन्मान मिळाले होते.