मुंबई l Mumbai (ई खबरबात न्यूज नेटवर्क) :

आज ‘वर्ल्ड मेन्सट्रुअल हाइजीन डे’ म्हणजेच ‘जागतिक मासिक पाळी स्वच्छता दिवस’ (World Menstrual Hygiene Day 2022) आहे. मासिक पाळीच्या (Masik Pali) काळात महिलांना स्वच्छतेचे महत्त्व कळावे यासाठी दि. 28 मे रोजी हा दिवस ‘जागतिक मासिक पाळी स्वच्छता दिवस’ जगभरात साजरा केला जातो.

‘पाळी’ म्हटलं की, आजही लोकांच्या भूवया उंचावतात. स्त्रीचे महिन्याच्या मासिक पाळीचे ‘हे चार’ दिवस आजही तिच्या पुरते मर्यादीत आहेत असे म्हंटल तर वावग ठरणार नाही. थोडक्यात हे दिवस ”तेरी भी चूप और मेरी भी चूप’वाले आहेत. मागील काही वर्षांमध्‍ये परिस्थिती बदलत असली तरी याचे प्रमाण नगण्य आहे. प्रत्येक स्त्रीला दर महिन्याला मासिक पाळीला सामोरे जावे लागते.

https://twitter.com/KivuyoLaurel/status/1530419264347308035

आपण ज्या पद्धतीने आपल्या शरीराची इतर वेळी काळजी घेतो त्याच पद्धतीची काळजी महिलांनी मासिक पाळीच्या काळामध्ये घ्यावी लागते. मासिक पाळीदरम्यान पुरेशी स्वच्छता न ठेवल्यामुळे महिलांना अनेक गंभीर आजारांना सामोरे जावे लागू शकते. महिलांना युरिनरी ट्रॅक्ट इन्फेक्शनची (Urinary Tract Infection) समस्या होऊ शकते. मासिक पाळी दरम्यान निष्काळजीपणा केल्यास हेपेटाइटिस बी (Hepatitis B), गर्भाशयाच्या मुखाचा कर्करोग (Cervical Cancer), योनीमार्गाचा संसर्ग (Vaginal Infection) यांसारख्या गंभीर आजार महिलांना होऊ शकतात. त्यामुळेच मासिक पाळीदरम्यान काही खास गोष्टींकडे लक्ष देणे आणि विशेष काळजी घेणे खूपच गरजेचे आहे.

https://twitter.com/ANTARLINA22/status/1530408841841885184

मे महिन्याची 28 तारीखच का?

‘जागतिक मासिक पाळी स्वच्छता दिन’ दरवर्षी मे महिन्याच्या 28 तारखेला साजरा करतात. सर्वप्रथम, 2014 मध्ये मध्ये एका एनजीओने मासिक पाळी स्वच्छता दिन साजरा करण्यास सुरुवात केली. साधारणपणे, महिलांच्या मासिक पाळीचे चक्र हे 28 दिवसांचे असते. रक्तस्त्राव साधारणपणे 4 ते 5 दिवस होत असतो. म्हणूनच हा दिवस इंग्रजी वर्षातील पाचव्या महिन्यांची म्हणजे मे महिन्याच्‍या 28 तारखेलाच साजरा करतात.

Blog (विशेष लेख) : गोष्ट तिच्या मासिक ‘पाळी’ची

मासिक पाळीदरम्यान अशी घ्या काळजी (Take care during menstruation)

सॅनिटरी पॅड्सचा वापर करा (Use sanitary pads)

मासिक पाळी दरम्यान महिलांनी कोणत्याही कापड न वापरता नेहमी सॅनिटरी पॅडचा वापर करावा. पाळी दरम्यान स्वच्छता राखण्यासाठी, स्वतःला स्वच्छ ठेवणे अतिशय महत्त्वाचे आहे. या काळात दर चार ते पाच तासांनी सॅनिटरी पॅड बदलणे आवश्यक आहे. जर दिवसभर एकच पॅड वापरले तर आरोग्यासाठी हानिकारक ठरु शकते. वापरलेले पॅड नीट पेपरमध्ये गुंडाळून बंद कचरापेटीत टाकावे. पॅडचा जास्तवेळ वापर केल्यामुळे योनीला खाज आणि संसर्गही होऊ शकतो.

‘टॅम्पॉन’ वापरताना काळजी घ्या (Be careful when using Tampons) :

मासिक पाळीत अनेक महिला टॅम्पॉनचा (Tampons) वापर करतात. पण टॅम्पॉनचा वापरतांना देखील विशेष काळजी घेणे गरजेचे आहे. टॅम्पॉन वापरत असल्यास स्वच्छतेसाठी ते दर तीन ते चार तासांनी बदला. ते वेळोवेळी बदलले नाही तर संसर्गाचा धोका अधिक वाढतो. त्यामुळे टॅम्पॉन वापरताना महिलांनी कदापि हलगर्जीपणा करु नये.

स्वच्छ अंतर्वस्त्रे घाला (Wear clean Underwear) :

मासिक पाळी दरम्यान स्वच्छ अंतर्वस्त्रे घाला आणि दर काही तासांनी ती बदला. अस्वच्छ अंतर्वस्त्रांमुळे शरीरातून दुर्गंधी येत राहते आणि संसर्गाचा धोका अधिक वाढू शकतो. या दिवसांत महिलांनी जास्तीत जास्त सुती अंतर्वस्त्र घालण्याचा प्रयत्न करावा. कारण यामुळे त्वचा मऊ राहते आणि खाजेची समस्या उद्भवणार नाही.

हलके व्यायाम करा (Do light Exercise) :

मासिक पाळीदरम्यान निरोगी अन्न खाण्यासोबतच व्यायाम करणे देखील गरजेचे आहे. त्यामुळे तुम्ही नियमित व्यायाम करा. त्यामुळे तुमच्या मासिक पाळीदरम्यानच्या वेदना कमी होऊ शकतात. जर तुम्ही नियमित व्यायाम नाही केले तर तुम्हाला वेदना होऊ शकतात त्याचसोबत मूड स्विंग (Mood Swing in Periods) देखील होऊ शकते. अशावेळी व्यायम करा, जास्त पाणी प्या आणि निरोगी रहा.