नवी दिल्ली l New Delhi :

गेल्या काही दिवसांपासून देशातील कोरोनाची (Corona Virus) स्थिती अधिक गंभीर होत चालल्याचे चित्र पाहायला मिळत आहे. देशातील नव्या कोरोनाबाधितांची संख्या राज्यसह देशात दिवसेंदिवस वाढताना दिसत आहे. मागील काही दिवसांपासून दरदिवशी तब्बल ३ लाखांहून अधिक कोरोनाबाधित आढळून येत आहेत.

इतकेच नव्हे, तर कोरोनाच्या ओमायक्रॉन व्हेरिएंटचे (Corona Omicron Variant) रुग्णही वाढत आहेत. यावर कोरोना लसीकरण (Corona Vaccination) हाच ऐकमेव उपाय असल्यामुळे देशभरात यावर भर दिला जात आहे. यातच केंद्र सरकारने कोरोना लसीकरणासंदर्भात (Corona Vaccination) नव्या गाइडलाइन्स जारी केल्या असून, त्यामध्ये बुस्टर डोसबाबतही (Booster Dose) मार्गदर्शन सूचना देण्यात आल्या आहे.

केंद्र सरकारकडून लसीकरणासाठी नवीन मार्गदर्शक तत्त्वे जारी करण्यात आली आहेत. कोरोनातून बरे झाल्यानंतर नागरिकांनी तीन महिन्यांनंतर कोरोनाची लस घ्यायची आहे, अशी माहिती आरोग्य मंत्रालयाचे अतिरिक्त सचिव विकास शील (Vikas Sheel, Additional Secretary, Ministry of Health, New Delhi) यांनी दिली आहे. कोरोनाची लागण आढळलेल्यांच्या लसीकरणात तीन महिन्यांचा विलंब होईल. त्यात ‘बूस्टर’ डोसचा देखील समावेश आहे, असे सांगितले जात आहे.

कोरोनातून तीन महिन्यांनी बरे झाल्यानंतर डोस देण्यात येईल (The dose will be given after three months of recovery from Corona)

कोरोना संसर्गाची चाचणी पॉझिटिव्ह (Corona Positive)आढळलेल्या नागरिकांना आता तीन महिन्यांनी बरे झाल्यानंतर डोस देण्यात येईल, असे सर्व राज्ये आणि केंद्रशासित प्रदेशांना पाठवलेल्या पत्रात, केंद्रीय आरोग्य मंत्रालयाचे अतिरिक्त सचिव विकास शील (Vikas Sheel, additional secretary at the Union Ministry of Health) यांनी म्हटले आहे. तसेच शील यांनी संबंधित अधिकाऱ्यांना याची दखल घेण्याची विनंती केली आहे.

संपूर्ण देशात पुन्हा एकदा लसीकरणाला वेग (Accelerate vaccination across the country once again)

कोरोना ओमायक्रॉन व्हेरिएंट (Corona Omicron variant) आल्यानंतर देशात पुन्हा एकदा लसीकरणाला वेग आला आहे. या विषाणूपासून बचाव करण्यासाठी सरकारकडून अनेक माध्यमातून जनजागृती केली जात आहे. अशा परिस्थितीत लोकांच्या मनात लसीकरणाबाबत अनेक प्रश्नही उपस्थित होत आहेत. आयसीएमआरचे डीजी बलराम भार्गव (ICMR DG Balram Bhargava) यांनी लोकांच्या मनातील प्रश्नाबाबत माहिती दिली आहे. कोरोनाबाधित रुग्ण बरा झाल्यानंतर किंवा लसीचे दोन्ही डोस घेतल्यानंतर सुमारे नऊ महिने अँटीबॉडी असते. लसीपासून मिळालेल्या प्रतिकारशक्तीवर भारतात एक अभ्यास झाला आणि जागतिक स्तरावरही संशोधन झाले. या अभ्यासातून हे स्पष्ट झाले आहे की अँटीबॉडी शरीरात सुमारे नऊ महिने टिकते, असे ते म्हणाले.