मुंबई l Mumbai :

बंडखोर नेते एकनाथ शिंदे (MLAs rebel leader Eknath Shinde) यांचे आमदार येत्या दोन दिवसांत मुंबईत येतील आणि येत्या रविवार पर्यंत नवे सरकार आलेले असेल असा दावा भाजपाच्या (BJP) गोटातून करण्यात येतो आहे. मात्र सरकार स्थापण्यापूर्वी खातेवाटपावरुन पेच सुरु असल्याची माहिती आहे. बंडखोर आमदार मुंबईत उतरल्यापासून ते सरकार स्थापनेपर्यंतचा प्रवास हा म्हणावा तेवढा सोपा असणार नाहीये.

https://twitter.com/ANI/status/1541724951450746881

शिवसेना आणि महाविकास आघाडी (Shivsena and Mahavikas Aghadi MVA) हे सगळे प्रयत्न हाणून पाडण्यासाठी प्रयत्न करणार हे निश्चित आहे. मात्र हे बाहेरचे संकट सोडवण्याबरोबरच सत्ता स्थापनेतील खातेवाटपाचा संघर्ष हाही शिंदे आणि भाजपा (BJP) सरकारला करावा लागणार आहे. मुख्यमंत्रीपद एकनाश शिंदे (CM Eknath Shinde) यांच्याकडे असावे, अशी मागणी बंडखोर आमदारांकडून होते आहे.

तयारीला लागा! राज्यात 7,231 पदांसाठी पोलीस भरती होणार; राज्य मंत्रिमंडळाचा हिरवा कंदील

यात उद्धव ठाकरेंनी (Uddhav Thackeray) मध्यस्थी करुन नरेंद्र मोदींशी (Narendra Modi) बोलावे असे आवाहनही दीपक केसरकर (Deepak Kesarkar) यांनी केले आहे. आता खातेवाटपावरुनही एकनाथ शिंदे दोन खात्यांसाठी आग्रही असल्याची माहिती आहे. एका इंग्रजी वृत्तपत्राच्या पत्रकाराने याबाबत ट्विट करुन माहिती दिली आहे.

https://twitter.com/ss_suryawanshi/status/1541652110273822721?ref_src=twsrc%5Etfw%7Ctwcamp%5Etweetembed%7Ctwterm%5E1541652110273822721%7Ctwgr%5E%7Ctwcon%5Es1_&ref_url=https%3A%2F%2Fwww.tv9marathi.com%2Fmaharashtra%2Fshinde-bjp-government-is-being-formed-but-it-is-hurdle-on-ministerial-posts-peach-for-two-accounts-indian-express-reporters-news-au179-747053.html

अर्थखाते आणि नगरविकास खात्याचा आग्रह (Finance and Urban Development Department)

एकनाथ शिंदे आणि भाजपाचे सरकार (BJP government) सत्तेत येण्याची प्रक्रिया सुरु असली, तरी काही खात्यांबाबत अद्यापही तिढा आहे, तो सुटलेला नसल्याची माहिती आहे. त्यात अर्थखाते (Finance) आणि नगर विकास खात्यासाठी (Urban Development Department) एकनाथ शिंदे गट आग्रही असल्याची माहिती आहे. भाजपाला ही खाती एकनाथ शिंदे गटाकडे देण्याची इच्छा नसल्याने ते टाळत असल्याचेही कळते आहे. चांगली खाती भाजपाकडेच राहावीत, असा भाजपाचा आग्रह असल्याची माहिती आहे.

ठाकरे सरकारची ‘अग्निपरीक्षा’! उद्याच बहुमत सिद्ध करा, राज्यपालांचे आदेश; एकनाथ शिंदे उद्या मुंबईत येणार, ‘बॅगा पॅक करुन तयार रहा’ शिंदेंच्या सूचना

अर्थखात्यासाठी आणि नगर विकाससाठी का आग्रही शिंदे? (Why Shinde insists on finance and urban development?)

अर्थखाते महाविकास आघाडी सरकारच्या काळात अजित पवार (Ajit Pawar) यांच्याकडे होते. त्यामुळे निधी हा राष्ट्रवादीच्या (NCP) आमदारांना मिळत होता, मात्र शिवसेनेच्या आमदारांना मिळत नव्हता, असा आरोप सातत्याने शिवसेना आमदार करीत होते. त्यामुळेच आमदारांची नाराजी अधिक होती. अर्थ (Finance) आणि गृह ही दोन्ही खाती सत्तेत शिवसेनेकडे असायला हवी, अशी आमदारांची मागणी होती. आता शिंदे गट सरकारमध्ये येत असताना, स्वाभाविकच त्यांना अर्थ खात्यावर त्यांची पकड हवी आहे. नगरविकास खातेही शिंदेंकडे राहिले, तर मुंबई शहर (Mumbai City) आणि इतर मोठ्या शहरांत होणाऱ्या प्रकल्पांचे श्रेय आपसूक शिंदे यांच्याकडे जाईल. आत्तापर्यंत नगरविकास खाते हे मुख्यमंत्र्यांनी स्वता:कडेच ठेवल्याची उदाहरणे आहेत. त्यामुळेच या दोन्ही खात्यांसाठी एकनाथ शिंदे आग्रही असल्याचे मानण्यात येते आहे.

नाशिक शहरात ‘या’ तारखेपासून पंधरा दिवस जमावबंदी लागू

भाजपा श्रेष्ठींशी चर्चेनंतर अंतिम ड्राफ्ट तयार होण्याची दाट शक्यता

देवेंद्र फडणवीस (Devendra Fadnavis) दिल्लीत पक्षश्रेष्ठींशी चर्चा करण्यासाठी रवाना झालेले आहेत. अशा स्थितीत आता एकनाथ शिंदे यांच्या गटाच्या खातेवाटपाबाबतच्या मागण्यांबाबत आता दिल्लीतच (New Delhi) चर्चा होण्याची शक्यता आहे. शिंदे यांच्या मागण्या किती मान्य होतात, यावर सत्तास्थापनेचा पुढचा घटनाक्रम ठरण्याची शक्यता आहे.