अहमदनगर l Ahamadnagar :

कंटेनरने ॲपेरिक्षाला दिलेल्या जोराच्या धडकेत सहा जण जागीच ठार झाले. ही घटना कोपरगाव महामार्गावर (Kopargaon Highway) पगारे वस्तीनजीक (Pagare Vasti) आज (दि. 06) सकाळी आठ वाजेच्या सुमारास घडली. (Terrible accident of Container and Ape Rickshaw in Ahmednagar Six people died on the spot)

अपघात इतका भीषण होता की, ॲपेरिक्षाचा पूर्णपणे चक्काचूर झाला आहे. या अपघातात दोन कॉलेजमध्ये शिकणाऱ्या विद्यार्थीनींचाही मृत्यू झाला आहे. तसेच दोन महिला व दोन पुरुषांचा जागीच मृत्यू झाला असून, चार जण गंभीर जखमी झाले आहे.

मालट्रक आणि कारच्या समोरासमोरील धडकेत दोंडाईच्यातील व्यापाऱ्याचा जागीच मृत्यू

अपघातातील राजाबाई साहेबराव खरात (Rajabai Sahebrao Kharat) (60, रा. चांदेकसारे, ता. कोपरगाव), आत्माराम जमानसा नाकोडे (Atmaram Jamansa Nakode) (65 रा. वावी ता. सिन्नर), पूजा नानासाहेब गायकवाड (Pooja Nanasaheb Gaikwad) (20, रा. हिंगणवेढे), प्रगती मधुकर होन (Pragati Madhukar Hon) (20 रा. चांदेकसारे ता. कोपरगाव), शैला शिवाजी खरात (Shaila Shivaji Kharat) (42), शिवाजी मारुती खरात (Shivaji Maruti Kharat) (52) दोघेही राहणार श्रीरामपूर (Shrirampur) अशी मयताची नावे आहेत. अशी माहिती ग्रामीण रुग्णालयाचे वैद्यकीय अधिक्षक यांनी दिली.

याबाबत समजलेली माहिती अशी की, झगडे फाट्यावरून (Jhagde Phata) ॲपेरिक्षा पॅसेंजर घेऊन कोपरगावकडे जात असताना, पगारे वस्तीजवळ कोपरगावहुन येत असलेल्या कंटेनरने जोरात धडक दिली आणि हा भीषण अपघात घडला. यामध्ये ॲपेरिक्षातील सहा प्रवासी जागीच ठार झाले आहेत. तर दोन जण गंभीर जखमी झाले असून, त्यांना उपचारासाठी राष्ट्रसंत जनार्दन स्वामी रुग्णालयात (Rashtrasant Janardhan Swami Hospital) दाखल केले आहे.